Uppskrift:

160 g hveiti

½ tsk lyftiduft

½ tsk matarsódi

1 góð tsk Kanill malaður

¼ tsk Negull malaður

1 stórt egg

1 eggjarauða

200 g sólblómaolía

270 g sykur (ég minnkaði magnið um helming)

50 g valhnetur

50 g kókosflögur

135 g grófrifnar gulrætur

2 eggjahvítur

aðeins salt

Aðferð: Hitið ofninn í 170C. Sigtið saman hveitið, lyftiduftið, matarsódann og kryddið í skál. Hrærið saman með gafli, einu eggi og einni eggjarauðu og setjið til hliðar. Þeytið saman olíuna og sykurinn í hrærivél í u.þ.b. mínútu. Því næst blandið eggjahrærunni, valhnetunum, gulrótunum, kókosflögunum og þurrefnunum varlega en vel saman við án þess að ofþeyta. Setjið eggjahvíturnar ásamt salti á hnífsoddi í skál og stífþeytið. Þessu blandað varlega saman við hræruna. Allt sett í muffins bökunarform og bakað í u.þ.b. 40 mín (einnig hægt að baka í 20 cm kökumóti og þá er baksturinn allt að 1 klst eða meira). Gott að stinga hníf í miðju formsins og ef hann kemur frekar þurr út þá er kakan/múffan tilbúin.

Krem: 175 g rjómaostur (ég notaði Philadelphia) við stofuhita

70 g smjör við stofuhita

35 g flórsykur

25 g hunang

30 g fíntskornar valhnetur (ef vill) til að skreyta með

Aðferð: Þeytið rjómaostinn þar til hann er mjúkur og laus við kekki. Setjið til hliðar. Þeytið smjörið, sykurinn og hunangið saman þar til létt og laust við kekki. Blandið rjomaostinum varlega saman við hræruna. Kremið sett á muffinin (eða kökuna) og valhnetum stráð yfir.

Uppskriftin er frá Yotam Ottolenghi, úr Ottolenghi The Cookbook.