Hér koma saman „jóla“krydd eins og kanill, stjörnuanís, allrahanda, negull og fleiri dásamleg, náttúrulega sæt og vermandi krydd ásamt þurrkaðri appelsínu. Ljúffengt og jólalegt í t.d. eplasafa fyrir alla til að njóta eða út í vín fyrir hina fullorðnu. Ylmurinn í eldhúsinu verður lokkandi þegar þessi blanda er hituð í glögg!

Áfengt glögg:

2-3 góðar msk af Jólaglöggskryddblöndu

1 flaska rauðvín (eða hvítvín)

8 msk sykur

Allt sett í pott og hitað að suðumarki. Slökkvið á hitanum og látið standa undir loki í 20-30 mín til að kryddið taki sig. Gott að velgja aðeins áður en skenkt. Njótið í góðra vina hópi!

Óáfengt glögg:

2 msk af Jólaglöggskryddblöndu

1 líter eplasafi (eða trönuberjasafi)

2 msk hunang (má sleppa ef safinn er mjög sætur)

Sama aðferð og í áfenga glögginu hér að ofan.