Kakan inniheldur hvorki sykur né fitu og er því svo gott sem eins kaloríusnauð sem hugsast getur fyrir köku! Hún hefur ríkt möndlubragð og er gómsæt og algjörlega þess virði að baka þegar maður vill gera vel við sig án þess að setja viktina eða blóðsykurinn á hvolf!

Uppskrift:

5 egg

1 1/2 tsk möndludropar

115 gr Sukrinmelis (frá Funksjonell) eða annað sambærilegt

100 gr möndlumjöl (mikilvægt að hafa það „blanched“ eða fínmalað til að kakan verði léttari í sér)

möndluflögur

Aðferð:

Aðskiljið eggjarauðurnar frá hvítunni. Setjið rauðurnar í skál með Sukrinmelis og hrærið vel saman með písk. Bætið við möndlumjölinu í eins og 4 skömmtum og hrærið því varlega saman við án þess að ofhræra. Stífþeytið eggjahvíturnar og bætið þeim varlega saman við deigið. Passið að slá ekki allt loft úr þeim. Hellið deiginu í smurt kökuform (ég nota 18cm kökuform) og stráið möndluflögum yfir áður en sett í 180C heitan ofn og bakað í u.þ.b. 20-25 mín.

Eggjarauður og Sukrinmelis blandað saman með písk.
Hrærið eggjarauðurnar vel saman við Sukrinmelis´ið.
Möndlumjölinu blandað varlega saman við án þess að ofhræra.
Eggjahvítunum blandað létt saman við og passa að slá ekki allt loft úr blöndunni.
Blandan á að vera aðeins loftkennd þegar henni er hellt í smurt kökuform.
Möndluflögum stráð yfir áður en kakan er bökuð.
Kakan er bökuð við 180C í u.þ.b. 20-25 mín.
Hún á að vera aðeins gyllt að ofan þegar hún er fullbökuð. Gott að láta hana kólna í forminu. Hún mun falla svolítið þegar hún kólnar.
Fallegt að sigta Sukrinmelis yfir kökuna og strá aðeins af möndluflögum fyrir allt saman áður en hún er borin fram.
Þessi kaka er með ríku möndlubragði og er algjörlegt nammi fyrir þá sem velja sykurlaus sætindi!