Uppskrift fyrir 3-4

1 dós kókosmjólk

2 msk Tælensk Karrýblanda Kryddhússins

2 fiskikraftsteningar leystir upp í glasi af heitu vatni

3 msk fiskisósa

2 msk sykur eða önnur sæta

1/2 tsk Túrmerik

Chili flögur eftir smekk

salt og pipar

1/2 grasker (butternut squash) u.þ.b. 500gr, kjarnhreinsað og skorið í fína teninga

12 risarækjur eða fleiri ef laxinum er sleppt

Lax sem er roðdreginn og búið að skera í bita þó ekki of litla

u.þ.b. 2 msk safi úr límónu

hnefafylli af fersku kóríander og aðeins meira til að sáldra yfir í lokin

Nigella og sesamfræ til að strá yfir í lokin

Aðferð:

Fleytið þykka hlutanum af kókosmjólkinni úr dósinn af og setjið í heitann pott. Hrærið Tælensku karrýblöndunni út í og hitið vel saman. Því næst bætið við restinni af kókosmjólkinni, fiskikraftinum, fiskisósunni og sætunni og hellið eins og 500-800ml af heitu vatni saman við. Látið suðuna koma upp og setjið þá restina af innihaldsefnunum nema rækjurnar og laxinn út í. Látið sjóða í hálftíma eða svo. Mér finnst gott að mauka súpuna með töfrasprota til að fá silkimjúka áferð á hana. Passið að smakka ykkur til og bæta við kryddi, salti osfrv. ef þess þarf. Bætið við vatni ef þarf til að þynna súpuna. Setjið svo rækjurnar og laxinn út í heita súpuna í 3-4 mín eða þar til soðið í gegn rétt áður en hún er borin fram.

Fallegt að strá fersku kóríander, Nigella- og sesam fræum yfir og ljúffengt að bera fram með góðu brauði.