Þetta matarmikla, heilsusamlega og bragðgóða rótargrænmetissalat má bera fram hvort sem er heitt eða kalt.
u.þ.b. 350g rósakál
5-6 scallottulaukar
1 rauðrófa (meðalstór)
salt og pipar
klettasalat eða önnur salatblanda
Fræin úr einu granatepli
Kryddlögur:
1/3 bolli ólífuolía
½ appeslína, safi og börkur
2 msk hlynsíróp
½-1 msk balsamic edik
1 tsk rósapipar
salt
Öllu blandað saman.
Ristaðar pekanhnetur sem eru algjörlega ljúffengar:
Það er vel þess virði að gera enn meira af þeim og eiga sem snarl.
100g Pekan hnetur
1 tsk kanill
½ tsk cayenna pipar
½ dl hlynsíróp
Salt á hnífsoddi
Setjið pekanhneturnar í skál og kryddið þær. Hellið sírópinu út í og blandið vel saman. Dreifið úr þeim á ofnskúffu og setjið í 180C heitan ofn í u.þ.b. 12 mín. Gott að hræra í 1-2 sinnum á ristunartímanum. Leggjið til hliðar á meðan restin er undirbúin.
Hitið ofninn í 200C.
Skerið rósakálið til helminga, endilangt. Setjið í sjóðandi vatn og sjóðið í u.þ.b. 3-5 mín. Skolið upp úr köldu vatni og sigtið vatnið vel frá. Afhýðið rauðrófuna og skerið hana í hæfilegar skífur. Afhýðið scalott laukana og skerið endilanga. Setjið allt grænmetið í skál og hellið eins og helmingnum af kryddleginum yfir og blandið vel saman við. Breiðið úr grænmetinu á ofnskúffu. Látið rósakálið snúa með sárið niður. Bakið í u.þ.b. 40-50 mín eða þar til eldað í gegn og stökkt að utan. Gott að snúa grænmetinu við eins og einu sinni eða tvisvar á eldunartímanum.
Setjið ruccola eða annað grænt salat á fat, setjið grænmetið yfir. Hellið restinni af kryddleginum yfir. Saxið pekanhneturnar gróft og stráið þeim ásamt granateplafræunum yfir allt saman.
