Um okkur

Kryddhúsið

Um okkur

Kryddhúsið er fjölskyldufyrirtæki, stofnað árið 2015 af hjónunum Ólöfu Einarsdóttur og Omry Avraham. Omry er alinn upp við ríka kryddhefð matarmenningu miðausturlanda. Hann er frá Ísrael og á ættir að rekja til Marokkó og Íraks. Ólöf er menntuð í náttúrulækningum og hennar nálgun er næringargildi kryddsins og eiginleikar ásamt góðu bragði. Í Kryddhúsinu sameinast bakgrunnur þeirra beggja ásamt ástríðu fyrir góðum og næringarríkum mat.

Starfsemin

Kryddhúsið hóf starfsemi sína í Þverholti 7, Reykjavík sem lítil en metnaðarfull kryddverslun “Krydd & Tehúsið” sem bauð upp á rúmlega hundrað og fjörutíu tegundir af kryddi og tei frá hinum ýmsu heimshornum ásamt grískri sælkeravöru með meiru.

Árið 2018 flutti starfsemin í Flatahraun, Hafnarfirði með tilheyrandi breytingum. Úr varð að vörumerkið Krydd og Tehúsið varð Kryddhúsið og öll áhersla lögð á krydd. Takmarkið var að varan fengist í matvöruverslunum um allt land. Nú árið 2020 fæst Kryddhús kryddið í helstu matvöruverlsunum á Íslandi.

Nostrað við krydd

Kryddhúsið státar af frábæru úrvali af kryddblöndum frá hinum ýmsu heimshornum ásamt heilu og möluðu kryddi í miklum gæðum.

Varan er náttúruleg, ómeðhöndluð og án allra aukaefna. Mikið af kryddblöndunum eru handgerðar og kryddinu er handpakkað í vistvænar umbúðir úr PET plasti og áli. Einstaka kryddblöndur innihalda salt en þá yfirleitt í litlu magni, þá sjávarsalt eða annað salt í góðum gæðum, annars er kryddið án salts.

Stóreldhús

Í janúar 2020 hóf Kryddhúsið samstarf við heildsöluna ÍSAM um dreifingu og sölu á kryddi til mötuneyta, stóreldhúsa og matsölustaða. Sölusími ÍSAM er 522-2728, pantanir@isam.is og vefverslun https://vefverslun.isam.is